BARATO - "Kial vi malŝparas tempon? Legu nian ĵurnalon!

Je la komenco de la nova jaro ni informas pri iniciato, tute ina, kiu ekde kelkaj jaroj helpas plibonigi zonon de la mondo!

 

Temas pri Barato kaj pli precize en la Chambal Valley, en la ŝtato Uttar Pradesh. Ĝi estas antikega lando kaj surtute tre malfacila kaj el la geografia vidpunkto kaj el socia kaj kultura; landoj malfacile kultiveblaj kaj ekspluatendaj; landoj prirabitaj de transnaciaj entreprenoj, de banditoj, de koruptaj registaroj, kun malutila alfronto kontraŭ la medio kaj la homoj; lando, en kiu ne nur la akvo estas poluita, sed ankaŭ la gento; malriĉeco kaj perforto, analfabeteco, malrigoreco, viraj dominantaj klasoj, virinoj kiuj malbone vivas, uzurpitaj de iliaj rajtoj.

 

Estas ĉi tiu realo kiun grupo de virinoj decidis diskonigi krom senti la bezonon disvastigi literaturon, informadon kaj kulturon en ilia lando. Jam ekde la jaro 2002a, fakte, 40 virinoj meze aŭ malalte kulturiĝitaj, post projekto kun senprofita organizaĵo, decidis ekpresi ĵurnalon Khabar Lahariya (ondoj de novaĵoj), vera semajna magazeno. Vera defio, sed post kelkaj jaroj la ĵurnalo estas presita en 5 lingvoj, vendita kaj disvastigita en 5 diversaj teritorioj, kaj jam, post aliaj 10 jaroj, ankaŭ atingas urbegojn kaj ĉirkaŭ 85.000 ekzemplerojn po semajno. La gazeto estas presita per grandaj karaktroj, tiel ke eĉ la malmulte instruitoj povas esti kuraĝigitaj legi. La novaĵoj estas simple kaj rekte eldiritaj. Por tiuj kiuj ne regas la legadon, enestas bildstrioj kaj man-desegnitaj bildoj kaj fotoj.

 

La plej karakteriza aspekto estas ke ĵurnalistinoj mane transdonas la gazetojn, irantaj laŭ la stratoj tipe vokante: "Kial vi malŝparas vian tempon? Legu nian ĵurnalon!

 

Tiel alportante kulturon kaj precipe informojn en ilian hejmon, inkluzive laŭ inunditaj stratoj, ruinigitaj kaj infestitaj de banditoj, en merkatojn, fervojajn stacidomojn, lernejojn. Kelkfoje ili eĉ voĉe legas la artikolojn.

 

Tiu estas granda pruvo de kuraĝo kaj inteligento, el tiuj virinoj kiuj ĉirkaŭiras ne sen problemoj pri ilia sekureco, kolektantaj faktojn kaj konsentojn el homoj kiuj parolas la saman lingvon, alfrontante la viran povon kiu komence mokis ilin, entreprenistojn kaj la apation de la aŭtoritatuloj.

 

Krom havi gravan konscion pri la koruptado de la oficialaj amaskomunikiloj, tiuj virinoj samtempe havas absolutan fidon en la graveco de la amaskomunikiloj por influi la publikan opinion kaj tiel plibonigi sian malgrandan zonon de la mondo.

 

 




MALANTAUEN