BANGLADEŜO - lernolibroj en "tribaj" lingvoj por minoritatoj.

Ĝi estas nova iniciato de la projekto Aloghar ("lumturo") adresita al infanĝardenoj kaj elementaj lernejoj. Direktoro de Caritas: "Edukado estas rajto kaj tio estas ankaŭ povi studi en sia gepatra lingvo." La iniciato helpos infanojn de ok diversaj tribaj komunumoj.

 

Protekti la multajn lingvojn de Bangladeŝo por promocii edukadon ankaŭ en la tribaj komunumoj. Ĝi estas la celo de Caritas Bangladeŝo, kiu en la projekto Aloghar ("lumturo") lanĉis la Multi Lingual Education (Mle) (Multlingva edukado), por infanoj en la antaŭ-lernejo kaj lerneja aĝo. La prezenta ceremonio okazis la 25an de februaro en Dhaka. Ĉeestis la Ministro de Eduko Mostafizur Rahman. "Ĉiu lingvo - diris la politikisto - gravas, neniu devus senti sin flankenmetitan aŭ ignoratan, ĉar li estas parto de minoritata etna grupo

 

Kiel parto de la Mle, Aloghar kreis ok lernolibrojn en ok tribaj lingvoj, por infanĝardeno kaj elementa lernejo. Benedict Alo D'Rozario, plenuma direktoro de Bangladeŝa Caritas, emfazis, ke la "eduko estas rajto kaj ankaŭ povi studi en sia gepatra lingvo estas rajto.”

 

“Bangladeŝo - diris Promod Mankin , katolika kaj Saniga Ministro - estas lando kie krom la bengala, aliaj lingvoj estas parolataj de malmultaj skipoj. Sed eĉ tiuj estas parto de nia nacio kaj tiel estas ĝuste plibonigi ilin". Bengala estas la oficiala lingvo de la lando kaj estas ankaŭ la lingvo de la plimulto (bengalaj estas la 97,7 % de la loĝantaro).

 

Laŭ Rasheda Choudhury, plenuma direktoro de la Kampanjo por Populara Instruado (Campe), "la programo helpos gajni la fidon de personoj, reduktos la nombron de lernantoj, kiuj ellasas la lernejon kaj riĉigos la nacian kulturon."

 

FONTO: Asianews




MALANTAUEN